close
她，七十餘歲。
她說：「我便秘非常嚴重，每次都要霸住個洗手間成個幾鐘，攪到成身大汗、啲衫濕哂、個人都無哂力、軟哂先攪掂，真係好辛苦，希望食啲中藥可以幫下手。」。
我問：「你咁既情況持續咗幾耐呀？」。
她說：「已經唔記得啦，至少都有好多年啦！」。
她說：「講出嚟實嚇你一跳！非常準時，八日一次。所以到咗第八日，我就邊處都唔去，留喺屋企，專心等佢大駕光臨。」。
我說：「你真係嚴重便秘喎，咁你都忍得咁耐？」。
她說：「無辦法啦，人哋話一日要飲八杯水、食多啲生果同埋蔬菜，我都做到呀！佢偏偏係唔肯出，我都無辦法。如果日日有得去，計一日坐十零分鐘，我都係差唔多啫，不過就辛苦咗少少。」。
我問：「咁點解突然又想睇呀？」。
她說：「我個女話咁樣唔健康。我諗諗下第日再老啲就真係可能無力辦成，所以咪決定睇囉。」。
我說：「咁，就食啲中藥睇下啦。」。
再見她的時候，她說：「唔使用好多力，啲便便就出嚟啦，輕鬆好多囉！」。
文章標籤
全站熱搜
留言列表
