close
婆婆說：「你唔著白袍都唔似醫生。」。
我說：「我根本唔係醫生，梗係唔似啦。我係中醫師啦嘛，古時叫做大夫或者郎中，係開中藥俾人飲果種呀！除咗醫生著白袍之外，仲有藥劑師、物理治療師同埋視光師等等都會穿著白袍架。」。
婆婆說：「我知。咁你究竟有無白袍唧？」。
我說：「梗係有啦！我讀中醫，見習果陣時要著白袍，返國內實習果陣時又要著白袍。點會無呢！如果無，有需要都應該買啦。」。
婆婆說：「都係… 都係著白袍好啲。」。
我說：「著白袍要厚身嘅，重要扣埋哂啲鈕，咁睇起來先會有型有款。咁，如果我著白袍我診室呢度既冷氣就要維持在二十度左右，你話好唔好？」。
婆婆說：「嘩！咁凍，想凍死人咩！」。
我說：「如果唔係咁我又會成身大汗，咁你話點好呢？」。
婆婆說：「咁… 都係環保啲好啲囉！」。
文章標籤
全站熱搜
留言列表
