濕疹…好咗啦 終於似返個人
相片已經係濕疹比較好的狀況。
已經有一段時間唔係好積極寫部落格啦,最近見到新聞,年輕人因濕疹殺死雙親又自殺,情況真係好嚴重。
都係寫啲成功病案俾大家睇吓啦。
呢位年輕人20歲,前臂有一大片紅腫,大概直徑5公分。已經有一段時間。
屋企人要佢睇西醫,醫生話係濕疹,曾經服用抗生素,要用類固醇藥膏,佢覺得冇效,所以另外想辦法。
呢位年輕人見到我個部落格寫有啲成功病例,佢放暑假自己賺錢來睇,真係好難得。
年輕人身材高瘦。經常不吃早餐,每天大概吃三碗飯,少許肉類,蔬菜差不多都沒有油。
我(中醫師)話呢位年輕人係嚴重缺乏脂肪,需要增加肉類以及食油,因為脂肪不足的話脂溶性嘅維他命就好難吸收,例如維他命A、D、E、K。缺乏維他命A、E皮膚就一定唔好。
建議呢位年輕人要吃早餐,多吃肉類雞蛋和豆類。
我叫呢位年輕人同媽媽商量煮蔬菜嘅時候用多啲油,呢位年輕人話媽媽一定唔會聽,因為媽媽只係相信西醫。
呢位年輕人食咗啲中藥之後好明顯有進步,嗰一片所謂濕疹漸漸好轉。有一次,呢位年輕人的媽媽見到佢嘅濕疹仲有啲,就自己搵啲類固醇藥膏出嚟同佢搽。
呢位年輕人問我有冇方法好快啲。
快啲好嘅方法就係飲食油。
呢位年輕人都有飲。
呢位年輕人斷斷續續食中藥,有吃早餐,有時不知飽,有時吃下午茶,情況越嚟越好。
有一次,呢位年輕人話終於似返個人啦,以前做好多嘢都力不從心,而家好開心,想做乜都做得到。
濕疹唔係冇得醫,搵啱咗方法,食啱咗嘢,可能好快就好返啦。
唔使咁灰心。
相關網誌
早餐
濕疹 不同情況 不同處理方法
新聞
2018.06.24
#皮膚 #皮膚炎 #皮膚病 #皮膚痕癢
#濕疹 #護膚 #類固醇藥膏 #抗生素
#早餐 #蔬菜 #維他命 #脂肪
#健康飲食 #多菜少肉
#食療 #食油 #蛋白質
留言列表